Velkomin á upphéraðið!
Upphéraðið er frjósamt og þess sér stað í matargerð og framleiðslu svæðisins. Ef þú átt leið um Hallormsstað og nágrenni skaltu reyna að bragða á vörum og réttum sem byggja á austfirsku hráefni.
Sauðagull
Sauðagull framleiðir vörur úr sauðamjólk, s.s. konfekt, ost og frískandi ís sem m.a. er hægt að kaupa í matarvagninum við Hengifoss.
hótel hallormsstaður
Hótel Hallormsstaður rekur tvo veitingastaði þar sem hægt er að smakka íslenska lambakjötið matreitt á fjölbreyttan máta.
Móðir jörð
Móðir Jörð í Vallanesi er elsta lífræna býli landsins og á kaffihúsinu er boðið upp á grænmetishlaðborð.
KLausturkaffi
Klausturkaffi á Skriðuklaustri er heimsfrægt fyrir sína lerkisveppasúpu og hrútaberjaskyrköku.
Óbyggðasetrið
Á Óbyggðasetrinu er bökuð ljúffeng hjónabandssæla með safaríkri sultu úr rabarbaragarði býlisins.
Hengifoss gistihús
Hengifoss gistihús býður upp á rétti úr þorski frá Kalla Sveins á Borgarfirði eystra og lömbum af Fljótsdalsheiðinni.
Könglar
Könglar framleiða óáfenga drykki úr jurtum sem eru handtíndar í dalnum. Þeir eru seldir á völdum veitingastöðum.
Holt og Heiðar
Holt og heiðar hafa skapað sér nafn fyrir birkisíróp, sultur og fleiri afurðir sem seldar eru víða um land en þú getur einnig keypt hér á upprunastað.
