Um okkur
Holt og heiðar sækir efnivið í framleiðslu sína í náttúru Íslands. Hráefnið er einkum sótt í skógana og nágrenni þeirra. Við söfnum rabarbara, birkisafa og laufum, sveppum, rifsberjum og hrútaberjum, grenisprotum og fleiru sem við nýtum í framleiðsluna. Allar vörur fyrirtækisins eru án viðbættra hleypiefna, litarefna og rotvarnarefna. Megináhersla er lögð á að hráefnið sé íslenskt en svo notum við lífrænt vottaðan hrásykur frá Kaja-organic á Akranesi í sultur og síróp.
Holt og heiðar ehf. er með starfsaðstöðu á Hallormsstað. Fyrirtækið var stofnað árið 2009 og komu fyrstu vörurnar í sölu í júní 2010.
Vörurnar sem við framleiðum eru: Birkisíróp, hrútaberjasíróp, rabarbarasíróp, grenisíróp, rabarbarasulta með og án vanillu, hrútaberjasulta, rifsberjasulta, þurrkaðir lerki- og furusveppir, birki og lerkisveppasalt og ýmislegt fleira.
Eigendur eru Bergrún Arna Þorsteinsdóttir garðyrkjufræðingur og hjónin Guðný Vésteinsdóttir og Þórólfur Sigjónsson matreiðslumaður, en þau eiga og reka einnig Sveitasetrið Hofsstaði (Country Hotel) í Skagafirði.
Næstu sölustaðir: Klausturkaffi, Snæfellsstofa, Nettó Egilsstöðum og Hús handanna Egilsstöðum.